दुर्घटना
पोखरा, १९ भदौ/ पोखरा महानगरपालिका वडा नम्बर ११ मेडिपल्स हस्पिटल पछाडी पार्किङमा राख्ने क्रममा खोल्सा खसेको छ ।
ग २ च ८१३८ नम्बरको कार ब्याक गरी पार्किङ गर्ने क्रममा अन्दाजी २० मिटर तल खस्न गई खोल्सामा अड्किएको थियो ।
वडा प्रहरी कार्यालय रामबजार कास्की र जिल्ला प्रहरी कार्यालय कास्कीबाट प्रहरी टोलीले कार चालक जिल्ला कास्की पोखरा महानगरपालिका वडा नम्बर ८ सिमलचौरका ४० बर्षीय लोकेन्द्र आचार्य र निजकी ४ बर्षीय छोरी सितल आचार्यलाई सकुशल उद्दार गरेको छ ।
सवारी साधन घटनास्थलमा रहेको, कारलाई घटनास्थलबाट निकाल्ने कार्य भईरहेको प्रहरीले जानकारी दिएको छ ।
