पोखरामा प्रहरीको गाडी हुइकयाउदा चौतारी भत्कियो, क्रेनले उठाएर गाडी लगियो
पोखरा, १५ साउन/ पोखरा ६ लेकसाइड शान्तिपाटनस्थित बाटोमा साउन १३ गते राति प्रहरीको भेन दुर्घटना बारे बानबिन समिति गठन भएको छ ।
प्रहरी कार्यालय बैदामको ग १ झ ५५१ नम्बरको प्रहरी भ्यान दुर्घटना हुँदा गाडीमा सवार एक जना घाइते भएका थिए ।
प्रहरीको गाडी नै दुर्घटनामा परेपछि जिल्ला प्रहरी कार्यालय कास्कीले एसपी मोहन थापाको नेतृत्वमा छानबिन समिति बनाएको छ ।
प्रहरीले लापरवाही गरेर सवारी चलाउँदा प्रहरी भ्यान दुर्घटनामा परेको स्थानीयहरुले बताएपछि प्रहरी कार्यालयले छानबिन समिति बनाएको हो । प्रहरीको गाडीले शान्तिपाटनस्थित चौतारोमा ठोक्किएर चौतारीमा क्षती पुगेको ट्रेकिङ एजेन्सिज एशोसियसन अफ नेपाल गण्डकीका उपाध्यक्ष कृष्णप्रसाद आचार्यले जानकारी दिए ।
सो चौतारी टान गण्डकीकै सौजन्यमा बनाइएको थियो । स्थानीयहरुले प्रहरीले मापसे गरेको आरोप लगाएका छन् । स्थानीयले सवारी चलाउने चालकलाई कारबाही हुनुपर्ने र चौतारी पुननिर्माण गरिदिनुपर्ने माग गरेका छन् ।
