गण्डकी प्रदेश सरकारमा दिपक मनाङे छैटौं पटक मन्त्री, फणीन्द्र देवकोटा पनि मन्त्री
पोखरा, २९ जेठ/ गण्डकी प्रदेशका मुख्यमन्त्री सुरेन्द्रराज पाण्डेले मन्त्री परिषद् विस्तार गरेका छन् । नेपाल समाजवादी पार्टीका नेता तथा माओवादी सांसद फणीन्द्र देवकोटा र स्वतन्त्र सांसद राजीव गुरुङ उर्फ दीपक मनाङेले शपथ लिएका हुन् ।
देवकोटा उर्जा, जलस्रोत तथा खानेपानी मन्त्री र मनाङे भौतिक पूर्वाधार मन्त्री बनेका हुन् । देवकोटाले माओवादीको ह्वीप नपानी फ्लोर क्रस गरेर मुख्यमन्त्री सुरेन्द्रराज पाण्डेलाई विश्वासको मत दिएका थिए ।
उनीहरुलाई प्रदेश प्रमुख डिल्लीराज भट्टले पद तथा गोपनीयताको शपथ गराए । मुख्यमन्त्री पाण्डेले सोमबार संसदबाट विश्वासको मत पाएपछि मन्त्रीमण्डल विस्तार गरेका हुन् । योसँगै गण्डकी मन्त्रिमण्डल ५ सदस्यीय पुगेको छ ।
गण्डकी प्रदेश सरकारमा बेला हुने सत्ता परिर्वनमा स्वतन्त्र सांसद दिपक मनाङे सत्ता फेरबदलमा निर्णायक हुन् गर्दछन् । सोमबार मुख्यमन्त्री सुरेन्द्रराज पाण्डेलाई विश्वासको मत दिदा पनि उनी निर्णायक मध्यका एक थिए । मंगलबार उनी मन्त्री बनेका छन् ।
गण्डकीका स्वतन्त्र सांसद राजीव गुरुङ उर्फ दीपक मनाङे छैटौँ पटक मन्त्री नियुक्त भए । अघिल्लो कार्यकालमा ३ पटक खेलकुद मन्त्री बनेका उनी अहिले भने लगातार तेस्रो पटक भौतिक पूर्वाधार विकास मन्त्री बनेका हुन् ।
उनी प्रदेशसभाको पहिलो कार्यकालमा डेढ वर्षमा तीन पटक मन्त्री बने । अहिले ३ महिना नहुँदै तेस्रो पटक मन्त्री बनेका छन् । उनले रेकर्ड नभई सरकारलाई जोगाइदिन मन्त्री भएको बताए । उनले आफु स्वतन्त्र सांसद भएको बताउदै एउटा सिट पनि किन बिगार्ने भनेर सरकारलाई साथ दिएको बताए ।
मनाङे र गण्डकीको सत्ता राजनीति पर्यायवाची जस्तै भएको छ । प्रत्येक मुख्यमन्त्रीको क्याबिनेटमा उनी छुटेका छैनन् । त्यसैले प्रदेश संरचनाको ७ वर्षमा उनी ६ पटक मन्त्री भएका हुन् । सुरुमा एमालेका पृथ्वी सुब्बा गुरुङको क्याबिनेटबाट सरकारमा छिरेका उनी त्यसपछि बनेको कृष्णचन्द्र नेपाली पोखरेलको सरकारमा पनि सामेल भए । अहिले भौतिक पूर्वाधारमन्त्री बनेपछि उनले विकासका योजना समेत सुनाए ।
मनाङ प्रदेशसभा २ बाट दोस्रो कार्यकालमा सर्वसम्मत निर्वाचित भएका उनलाई सुरुको १ वर्ष खासै वास्ता गरिएन । तर अहिले सत्ताको अङ्कगणित यस्तो ठाउँमा आएर अड्किएको छ कि फेरि मनाङे नै सत्ता गठन र विघटनको निर्णायक भएका छन् । मन्त्री बन्ने लोभमा सुरुमै एकीकृत समाजवादी केन्द्रमा प्रवेश गरे ।
तर खगराज अधिकारीको पहिलो क्याविनेट र सुरेन्द्रराज पाण्डेको बहुमत छँदासम्म उनी मन्त्री हुन पाएनन्, कारण दुवैले मनाङेको आवश्यकता महसुस गरेनन् । पाण्डे जब अल्पमतमा परे उनले सत्ता जोगाउन मनाङेलाई अल्पमतमै रहेका बेला मन्त्री बनाए । खगराज अधिकारीले पनि उनलाई मन्त्री बताए । तर सत्ता टिकेन । त्यसपछि पाण्डेलाई मनाङेले विश्वासको मत पाइसकेका छन् । मंगलबार उनलाई तेस्रो पटक भौतिक मन्त्री नियुक्त भए ।
