पोखरामा जैविक कृषि विविधता अन्र्तराष्ट्रिय सम्मेलन शुरु, ३२ देशका करिब दुई सय सहभागि
पोखरा, २७ चैत/ पोखरामा कृषि जैविक विविधता सम्बन्धी अन्र्तराष्ट्रिय सम्मेलन शुरु भएको छ । फरेष्ट एण्ड फार्म प्रोड्यूसर अर्गनाइजेसनको आयोजनामा कृषि जैविक विविधता सम्बन्धी अन्र्तराष्ट्रिय सम्मेलन शुरु भएको हो ।
सम्मेलनमा ३२ देशका झण्डै दुई सय जना कृषि विशेषज्ञ, कृषि क्षेत्रमा काम गर्ने, वन क्षेत्रमा काम संघसंस्थाका प्रतिनिधि तथा सरकारी अधिकारीहरुको सहभागिता रहेको छ ।
उद्घाटन शत्रको अध्यक्षता गरेका वन तथा वातावरण मन्त्री नवलकिशोर शाहले कृषि जैविक विविधता सहित उत्पादन बृद्धि गर्नुपर्ने बताए । उनले जैविक विविधता संरक्षणको जिम्मेवारी किसान मै हुने बताउँदै उनले किसान उत्पादक मात्र नभएर जैविक विविधताको संरक्षक भएको बताए ।
त्यसै गरी कृषि तथा पशुपन्छी विकास मन्त्री ज्वालाकुमारी शाहले नेपाल जैविक विविधताको धनी देश भएको बताइन् । उनले नेपालमा ६ हजार ६ सय १८ प्रजातिका बालीहरु उत्पादन हुने गरेको बताइन् ।
रैथाने बाली संरक्षण चुनौतिपूर्ण अवस्थामा रहेको बताउँदै उनले यसको संरक्षणमा संघ, प्रदेश र स्थानिय तह गरेर तीनै तहले गनु पर्ने बताइन् । उनले
फुड एण्ड एग्रिकल्चर अर्गनाइजेसनका नेपाल र भुटान प्रतिनिधि केन सिमिजुले नेपाल जैविक विविधतामा धनी भएपनि जलवायु परिवर्तनको जोखिममा रहेको बताए । सामुदायिक वन उपभोक्ता महासंघ नेपाल (फेकोफन) का अध्यक्ष ठाकुर भण्डारीले कृषि र वनलाई एकीकृत योजना बनाएर नेपालले काम गर्ने प्रयास गरिरहेको बताए ।
कृषि जैविक विविधताको संरक्षण, सम्वद्र्धन गर्दै त्यसको अभ्यासबारे ज्ञान आदानप्रदान गर्ने आयोजकले जनाएको छ । चार दिनसम्म चल्ने सम्मेलनले पोखरा घोषणापत्रसमेत जारी गर्दै सकिने छ ।
