पोखरा २३ सिधानेका यामबहादुरलाई पञ्चासे हर्पन डाँडा युके समाजको आर्थिक सहयोग
पोखरा, १७ पुस/ पोखरा २३ सिधानेका आर्थिक अवस्था कमजोर भई उपचारमा समस्यामा परेका यामबहादुर गुरूङलाई पन्चासे हर्पन डॉडा युके समाजले आर्थिक सहयोग गरेको छ ।
पन्चासे हर्पन डॉडा युके समाजको विशेष पहलमा संकलन गरिएको ९ लाख २५ हजार ३ सय ३४ रूपैयाँ समाजका अध्यक्ष देउकाजी गुरूङले सोमबार हस्तान्तरण गरे ।
याम गुरूङको गत मंसिर ८ गते मनमोहन अस्पतालमा अप्रेशन गरि देव्रे खुट्टा काटिएको थियो। आर्थिक अवस्था कमजोर भएका ४० वर्षीय याम बहादुर गुरूङ गांउमै किसानी काम गर्दै आएका छन् ।
समाजले विशेष गरि सिधाने, कुद्वीडांडा, दमदमे र मकानपुरका ४ गाउँका नागरिकका लागि विभिन्न आर्थिक सहयोग गर्दै आएको छ ।
युके समाजले शैक्षिक, सामाजिक तथा अन्य क्षेत्रमा महत्वपूर्ण सहयोग समेत गर्दै आएको छ । कोरना कहरको समयमा स्थानीय गाँउमा उल्लेख राहत वितरण गरेको थियो ।
