पोखरामा अङ्ग्रेजी नयाँ वर्षको स्वागत हजारौं सडकमा, अहिले सम्म कै धेरै आएको दावी

-


     क्लिक गण्डकी     
     पौष १६ गते २०८० मा प्रकाशित


पोखरामा अङ्ग्रेजी नयाँ वर्षको स्वागत हजारौं सडकमा, अहिले सम्म कै धेरै आएको दावी

पोखरामा अङ्ग्रेजी नयाँ वर्षको स्वागत हजारौं सडकमा, अहिले सम्म कै धेरै आएको दावी

सागर राज तिमिल्सिना
पोखरा, १६ पुस/ पोखरामा अङ्ग्रेजी नयाँ वर्षको स्वागतका लागि हजारौं सडकमा उत्रिएका छन् । पर्यटकीय नगरी पोखरामा अग्रेजी वर्ष २०२३ लाई बिदाइ र २०२४ लाई भब्य रुपमा स्वागत गरे ।

पोखराको लेकसाइडमा हजारौ स्वदेशी तथा विदेशी पर्यटकले विभिन्न कार्यक्रममा रमाउदै नयाँ बर्षको स्वागत गरे । स्वागतमा गरिएका विभिन्न कार्यक्रमको दृश्य हेर्न लाएक थियो । रातको १२ बन्नै लाग्दाको दृश्य निकै लोभ लाग्दो थियो ।

जतिबेला नयाँ वर्ष भर्खर पाइला टेकेको मात्र थियो । आतिस बाजीले सबैलाई उल्लासमय बनायो । पोखराको लेकसाइड स्थित विभिन्न ठाउँमा भएका कार्यक्रममा नयाँ बर्ष मनाउन भेला भएहरुले शुभकामना आदान प्रदान गरे ।

मानिसहरु संगितको तालमा झुम्दै साथीहरु सँग नयाँ बर्षको शुभकामना दिए । आकाशमा आतिसबाजिले पोखराको रात्री माहौललाई अझ झिलीमिलि र सबैलाई उत्साहीत बनाएको थियो ।

आफ्ना परिवार, साथी संग घुम्न जाने, विभिन्न कार्यक्रम आयोजना गर्ने, अनि रमाउदै नयाँ बर्षको स्वागत गर्ने प्रमुख गन्तब्य पोखरा बनेको छ । अंग्रेजी होस् या नेपाली नयाँबर्ष पोखरा सबैको पहिलो रोजाइमा पर्छ ।

रेवान पोखरा आयोजनामा भएको पोखरा सडक महोत्सवमा रम्दै नयाँ वर्षको स्वागत गर्न आन्तरीक तथा विदेशी पर्यटक र पोखरेलीहरु लेकसाइडमा मानवसागर उर्लिएको थियो ।

पोखराको लेकसाइडमा अग्रेजी नयाँ वर्षलाई लक्ष्त गरेर विगत २५ वर्ष देखी सडक महोत्सव हुदै आएको छ । यस वर्ष धेरै स्वदेशी, भारतीय, बंगादेश र अन्य देशका पर्यटकहरु नयाँ वर्ष मनाउन पोखरा आएका रेवान पोखराका पुर्व अध्यक्ष बलराम पहारीले बताए ।

उनले ठुलो सख्यामा पोखरामा नयाँ वर्ष मनाउन आएको बताउदै रेवान पोखरा सफल भएको बताए । उनले हिजो मात्रै करिब ५ लाख मानिसहरु नयाँ वर्ष मनाउन लेकसाइड आएको बताए । उनले यसरी एक दिन अहिले सम्म कै धेरै आएको दावी गरे ।

नयाँ वर्षको स्वागत गर्न गएका विदेशि तथा स्वदेशि पर्यटकहरुले लेकसाइडको सडकमा खचाखच भरिएको थियो । सबैले पिडा भुलेर नयाँ संकल्प, नयाँ उद्देश्य र नयाँ उर्जाका साथ पोखरामा नयाँ बर्ष २०२४ को भब्य स्वागत गरे ।