पोखरा अन्तर्राष्ट्रिय विमानस्थल
पोखरा, २२ कात्तिक/ भूकम्पपीडितलाई दिने राहतका सामग्री लिएर दुई वटा चिनियाँ सेनाको जहाज पोखरा आउने भएको छ । चीन सरकारले दिने सहयोग सामग्री लिएर पोखरा अन्तर्राष्ट्रिय विमानस्थलमा सवा ९ बजे जहाज ल्यान्ड हुनेछ ।
पोखराबाट नेपाली एयरलाइन्स कम्पनीले कर्णाली लैजाने छ । जहाजमा सामान ल्याउने भएपछि गृहमन्त्री नारायणकाजी श्रेष्ठ पनि पोखरा आउँदै छन् । चिनियाँ राजदूत छन सोङले सामग्री गृहमन्त्रीलाई हस्तान्तरण गर्ने छन् ।
चीनले १० करोड बराबरको सामग्री सहयोग गर्ने घोषणा यसअघि नै गरेको छ । चीनको छेन्दुबाट जहाज उड्नेछ ।
