पोखराको ड्यामसाईडमा टिप्पर सहित सडक भासियो
पोखरा, १६ असोज/ पोखराको १७ पार्दीस्थित पुल नजिकैको बाटो भासिएको छ । बालुवा बोकेको ग १ ख ४३६३ नम्बरको टिप्पर पुल क्रस गर्ने क्रममा सडक भत्किएको हो ।
ओभरलोडका कारण सडक भासिएको स्थानियको दावी छ । भासिएको सडकमा फसेको टिप्परलाई ट्राफिकको सहयोगमा निकाल्नेको छ ।
पोखरा १७ तितेपानी हुँदै शान्ति स्तुप निस्किने सडक जिर्ण अवस्थामा थियो । मर्मत सम्भारको प्रक्रियामा रहेको सडकमा ठूला सवारी साधन तथा सामान बोकेका गाडीहरु चलाउन निषेध गरिएको थियो ।
तर मंगलबार भवन निर्माणका लागि बालुवा बोकेको टिप्पर जाँदा सडक भासिएको प्रहरीले जानकारी दिए ।
