दुर्घटना फाइल तस्बिर
गोरखा, ३० भदौ/ गोरखामा शनिबार भएको दुर्घटनामापरि एक जनाको मृत्यु भएको छ भने चार जना घाइते भएका छन् ।
गोरखा–भच्चेक सडकखण्डको सिरानचोक गाउँपालिका–४ अमराइमा बसको ठक्करबाट मोटरसाइकल चालकको मृत्यु भएको छ । मृत्यु हुनेमा स्थानीय २७ बर्षका रामलाल कुमाल रहेको प्रहरीले जानकारी दिएको छ ।
भच्चेक बजारबाट गोरखा सदरमुकामतर्फ आउँदै गरेको ग १ ख ९७३६ नम्बरको बस र विपरीत दिशातर्फ जादै गरेको ग ७ प १५१० नम्बरको मोटरसाइकल आपसमा ठोक्किएर दुर्घटना भएको थियो ।
दुर्घटनामा परी गम्भीर घाइते भएका कुमालको पुरानो मेडिकल कलेज चितवनमा उपचारको क्रममा मृत्यु भएको प्रहरीले जानकारी दिएको छ । त्यस्तै गोरखा नगरपालिका–३ नारेश्वरमा शनिबार बिहान ट्याक्टर दुर्घटनामा चार जना घाइते भएका छन् ।
घाइते हुनेमा ट्याक्टर चालक पालुङटार नगरपालिका–९ मिरकोटका महेश थापा र ट्याक्टरमा सवार सप्तरी घर भई हाल नारेश्वर बस्ने रामबिलास यादव रहेका छन् ।
