सेती नदीमा ९४ करोडमा दुई वटा अत्याधुनिक पुलको निर्माण हुदै
पोखरा, २१ भदौ/ पोखराको पृथ्वी राजमार्ग अन्तर्गत पर्ने पृथ्बीचोक क्षेत्र (पोखरा रंगशाला) नजिक सेतीनदी अत्याधुनिक डिजाइनका दुई वटा मोटरेवल पुलको निर्माण कार्य सुरु भएको छ ।
पोखराको सेतीनदी माथि टावर सहितको दुई वटा पक्की पुल निर्माण गर्ने कामको सुरुवात भएको रसुवा कन्स्ट्रक्सन कम्पनीले जनाएको छ ।
पुल निर्माणको जिम्मा पाएसँगै कम्पनीले पुलको डिजाइन समेत स्वीकृत गरी अहिले भएको पुलको तलल्लो भागबाट काम थालेको छ । पुल निर्माणका लागि आवश्यक मेसिनहरू सहित निर्माण सामग्री राखेको शुरु गरेको छ ।
नेपालमा बनेका पुलहरू मध्य फरक प्रकृतिको पुल निर्माण हुने कम्पनीको दावी छ । पुलको बिचको स्पाम १ सय ४० मिटर र थप २५÷२५ मिटरको स्पाम क्षेत्रफल राखी १ सय ९० मिटर लामो पुल निर्माण हुने भएको कम्पनीको भनाई छ ।
हाल सञ्चालनमा रहेको पुलको उत्तर र दक्षिण साइडमा दुई वटा पुल चाइना पुलकै लेबलमा निर्माण हुने भएको हो । गाडी गुड्ने भाग साँढे ७ मिटर फुटपाथको रुपमा भने दुवै पुलको ३/३ मिटर रहने छ । साँढे १० मिटरको पक्की पुल निर्माण हुने भए पनि केही भाग टावर सहित गर्दा १३ मिटरको उक्त पुल निर्माण हुने छ ।
३६ महिना काम सक्ने गरेर कम्पनीले ठक्का लिएको हो । पुलका लागत ९४ करोड रहेको छ । पुल पोखराको लागि नौलो र सेल्फि ब्रिजको रुपमा निर्माण हुने कम्पनीको दावी छ ।
