खड्ग हमाल
पोखरा, २५ भदौ/ एकीकृत समाजवादी कास्की अध्यक्षमा खड्ग हमाल चयन भएका छन् । जिल्ला कमिटिको शनिबारको बैठकबाट हमाललाई अध्यक्ष चयन गरिएको हो । हमाल यसअघि जिल्ला कमिटि उपाध्यक्ष थिए ।
कार्यकारी राष्ट्रिय पद भएकाले पार्टीको प्रमुख पद नपाइने पार्टीको विधान अनुसार अध्यक्ष परिवर्तन गरिएको हो । जिल्ला कमिटि अध्यक्ष धनराज आचार्य गएको स्थानीय तहको निर्वाचनमा पोखरा महानगरपालिका मेयरमा निर्वाचित भएका थिए ।
उपाध्यक्षमा पूर्ण लामा र झपिन्द्र राज रेग्मीलाई चयन भएका छन् । लामा यस अगाडि जिल्ला कमिटीमा उपसचिव रहेका उनी समाजवादी निकट युवा संघको समेत केन्द्रीय उपाध्यक्ष छन् ।
१६९ सदस्यीय जिल्ला कमिटी रहेको एकीकृत समाजवादी कास्कीमा अध्यक्ष, दुई उपाध्यक्ष, एक सचिव र दुई उपसचिव गरेर ६ जना पदाधिकारी रहने व्यवस्था छ ।
