पोखरामा (आज) शनिबार एक्स्पर्ट एजुकेसन फेयर
पोखरा, ४ भदौ/ पोखरामा (आज) शनिबार एक्स्पर्ट एजुकेसन फेयर २०२२ हुदैछ । एक्स्पर्ट एजुकेसन एण्ड भिजा सर्भिसेजको आयोजनामा फेयर हुन लागेको हो ।
पोखराको न्युरोडमा रहेको सिटी स्क्वायर बैंक्युटमा आज बिहान ११ बजेदेखि दिउँसो ३ बजेसम्म फेयर संचालन हुनेछ ।
उच्च शिक्षा अध्ययनका लागि विदेश जान चाहने विद्यार्थीलाई लक्षित गरी फेयरको आयोजना गरिएको प्रवन्ध निर्देशक रमेशकुमार थापाले जानकारी दिए ।
अध्ययनका लागि अष्ट्रेलिया, यु.के, क्यानडा, युएसए जान चाहने विद्यार्थी फेयरमा सहभागी हुनसक्ने उनले बताए । फेयरमा ५ सयभन्दा धेरै विद्यार्थी सहभागि हुने अपेक्षा रहेको उनले बताए । फेयरमा विद्यार्थीले विदेशका प्रतिष्ठित कलेज तथा युनिभर्सिटीका प्रतिनिधीलाई भेट्न पाउनेछन् ।
विद्यार्थीले अध्ययन गर्न चाहेको विषय अध्ययनका लागि कलेज तथा युनिभर्सिटी छनोट गर्न सहयोग गरिने छ । कलेज तथा युनिभर्सिटीको फि स्टक्चर, नीति तथा नियमका वारेमा पनि विद्यार्थीले फेयरमा जानकारी लिन सक्नेछन् ।
