पोखराको बुलौदीमा कार दुर्घटना
पोखरा, २८ साउन/ गएराती पोखरा महानगरपालिका ७ बुलौदीमा कार दुर्घटना भएको छ ।
राती करिब साढे १ बजे दुर्घटना भएको हो । हल्नचोकबाट जिरोकिमि तर्फ जादै गरे ग२च ५५२१ कार सडकमै पल्टिएको थियो । सडकमै पल्टिएर कारमा सबार ४ जना घाइते भएको थिए ।
कार दुर्घटना पछि जम्मा भएका युवाहरुले कारलाई पल्टाएर कारमा सवारहरुलाई निकालेका थिए । कारबाट निस्के पछि सबै फरार भएको स्थानीयले बताए ।
कार अत्याधिक स्पिडका कारण दुर्घटना भएको हुन सक्ने प्रहरीको अनुमान छ ।
