पोखराका विभिन्न स्थानबाट लागू औषध सहित ४ जना पक्राउ
पोखरा, २५ साउन/ जिल्ला प्रहरी कार्यालय कास्की तथा मातहत प्रहरी कार्यालयबाट खटिएको प्रहरी टोलीले कास्की जिल्लाका विभिन्न ठाउँबाट लागू औषध सहित ४ जनालाई पक्राउ गरेको छ ।
पक्राउ पर्नेमा पोखरा १३ खत्रीचोक बस्ने ४४ को सन्तोष भन्ने ईन्द्रमान गुरुङलाई पक्राउ गरेको हो । उनका साथबाट डाईजापाम ५३ एम्पुल, फेनेरागन ५३ एम्पुल र नुर्फिन ५३ एम्पुल गरी जम्मा १५९ एम्पुल लागू औषध सहित पक्राउ गरेको प्रहरीले जानकारी दिएको छ ।
त्यसै गरी पोखरा १३ बाँझपाटन बस्ने ४० बर्षिय विकाश गुरुङले स्कुटरमा लागू औषध डाईजापाम २५ एम्पुल, फेनेरागन २५ एम्पुल र नुर्फिन २५ एम्पुल गरी जम्मा ७५ एम्पुल लागू औषध सहित पक्राउ गरेको कास्कीका प्रहरी प्रवक्ता डिएसपी सुन्दर तिवारीले जानकारी दिए ।
त्यसै गरी पोखरा २० भलामका ३१ बर्षिय सावन बिक लागू औषध डाईजापाम १७ एम्पुल, फेनेरागन १७ एम्पुल र नुर्फिन १६ एम्पुल गरी जम्मा ५० एम्पुल पक्राउ परेको तिवारीले जानकारी दिए ।
त्यसै गरी पोखरा ३० घर भई बगालेटोल बस्ने ५३ वर्ष कुमार गुरुङको साथबाट लागू औषध डाईजापाम २८ एम्पुल, फेनेरागन ३० एम्पुल र नुर्फिन २८ एम्पुल गरी जम्मा ८६ एम्पुल लागू औषध सहित पक्राउ गरेको तिवारीले जानकारी दिए ।
उनीहरु सबैलाई जिल्ला अदालतबाट लागू औषध सम्बन्धी मुद्दामा म्याद थप गरी अनुसन्धान गरीरहेको उनको भनाई छ ।
