भक्तपुरमा रुख ढलेर बस र स्कुटरमा लाग्दा तीन जनाको ज्यान गयो
भक्तपुर, ८ साउन/ भक्तपुरको सल्लाघारीमा रूख ढलेर बस र स्कुटरमा लाग्दा तीन जनाको मृत्यु भएको छ ।
आइतबार दिऊसो सल्लाघारीस्थित इवामुरा अस्पताल नजिकै रूख ढलेको हो । रूख ढलेर गुडिरहेको बस र स्कुटरमा लागेको थियो ।
लोकन्थली, कौशलटार, गठ्ठाघर, राधेराधे रूटमा चल्ने बा २ ख ३५८४ नम्बरको बस र बा ६१ प ३९७८ नम्बरको स्कुटरलाई रुखले थिचेको थियो ।
रूख ढलेर तीन जनाको मृत्यु भएको जिल्ला प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिए ।
मृत्यु भएका तीनमध्ये एक जनाको सनाखत भएको र दुई जनाको सनाखत हुन सकेको छैन ।
मृत्यु हुनेमा भक्तपुर नगरपालिका–२ बस्ने २५ वर्षीय विशेष खर्बुजा छन् । अन्य दुई जना पनि पुरूष नै छन् । पूरानो सल्लाको रूख हो ।
