सुनिलबहादुर भट्टराई
पोखरा, २६ असार/ नेपाल हवाई खेल्कुद संस्था (ना) को अध्यक्षमा युवा पर्यटन व्यवसायी सुनिलबहादुर भट्टराई सर्वसम्मत चयन भएका छन् ।
शनिबार पोखरामा सम्पन्न नवौं अधिवेशन तथा १९ औं वार्षिक साधारणबाट समितिको उपाध्यक्षमा सोवित बानियाँ, टेक्निकल उपाध्यक्षमा अनिल केसी, महासचिवमा खेमराज आचार्य, सचिवमा रोशन गौतम र कोषााध्यक्षमा अशोक पराजुली चयन भए ।
टेक्निकल सदस्यमा शेरबहादुर गुरुङ र दीपक थापा, सदस्यहरुमा विजय गौतम, भेनिस थापा र इमनाथ देवकाटा रहेका छन् । निबर्तमान अध्यक्ष कृष्ण भण्डारी पदेन रहनेछन् ।
हवाई खेलकुद पोखरा क्षेत्रको पहिचान भएकाले यसलाई संरक्षण गर्नु सबैको दायित्व भएको र पोखराबाटै सञ्चालन गर्नुपर्ने नवनिर्वाचित अध्यक्ष भट्टराईले बताए ।
क्यानसँग सहकार्य गरी व्यवस्थित गर्न व्यवसायीहरु तयार रहेको उनले बताए । पोखरामा ३ सय ५० जना प्याराग्लाइडिङ पाइलट र ६५ वटा कम्पनीमा रहेका छन् ।
