पोखरामा सवारी दुर्घटना पछि कुटपिट गर्ने एक जना पक्राउ
पोखरा, १३ बैशाख/ कास्की प्रहरीले सवारी दुर्घटना भएपछि कुटपिट गरेको आरोपमा एक जनालाई पक्राउ गरेको छ ।पोखरा महानगरपालिका वडा नम्बर ५ फिर्के पुल स्थित पोखरा बाग्लुङ सडक खण्डमा बैशाख १० गते दुर्घटना भएको थियो ।
मोटरसाइकल र टिप्पर ठोकिए पछि मोटर साइकल चालकले टिप्पर चालकलाई कुटपिट गरेको आरोपमा पक्राउ गरेको हो ।
प्रहरीले मोटरसाईकल चालक म्याग्दी घर भई हाल जिल्ला कास्की पोखरा महानगरपालिका १९ लामाचौर बस्ने ४३ को मिन बहादुर मगरलाई नियन्त्रणमा लिएको कास्की प्रहरी प्रवक्ता डिसपी सुन्दर तिवारीले जानकारी दिए ।
उनलाई शान्ति सुव्यवस्था तथा नैतिकता विरुद्धको कसुर अन्तर्गत अभद्र व्यवहार मुद्दामा दिन दश (१०) म्याद थप गरी अनुसन्धान भइ रहेको उनको भनाई छ ।
