बाढी, पहिरो र डुबानबाट २१७ को मृत्यु, २८ जना वेपत्ता
काठमाडौँ, १५ असोज/ अविरल वर्षाका कारण भएको बाढीपहिरो र डुबानका कारण हालसम्म २ सय १७ जनाको मृत्यु भएको छ भने २८ जना बेपत्ता छन् ।
केही दिन पहिलेको वर्षाका कारण प्राकृतिक विपद्मा १ सय ४३ जना घाइते भएको गृह मन्त्रालयले जानकारी दिएको छ ।
बाढी, पहिरो पछिको खोज, उद्धार र राहतका लागि सबै सुरक्षा निकाय परिचालित भइरहेको मन्त्रालयले जनाएको छ ।
बाढी प्रभावितलाई खाद्यन्नलगायत आपत्कालीन राहत सामग्री उपलब्ध गराइएको तथा घाइतेको निःशुल्क उपचार भइरहेको जानकारी दिइएको छ ।
