रुकुम पश्चिमबाट काठमाडौँका लागि छुटेको बस बागलुङ दुर्घटना, ७ जनाको मृत्यु
पोखरा, ५ चैत/ रुकुम पश्चिमबाट काठमाडौँका लागि छुटेको बस बागलुङ दुर्घटना हुदाँ ७ जनाको मृत्यु भएको छ ।
बागलुङ जिल्लाको निसिखोला गाउँपालिका–६ स्थित जाउले पानीमा रात्रि बस दुर्घटना हुँदा ७ जनाको मृत्यु भएको हो । दुर्घटनामा २५ जना घाइते भएका छन् ।
रुकुम पूर्वबाट काठमाडौँका लागि छुटेको बागमती प्रदेश ०१–००६ ख ३८७९ नम्बरको बस मध्यपहाडी लोकमार्गमा दुर्घटना भएको हो । घाइतेहरुलाई बागलुङ र पोखरामा उपचार भईरहेको छ ।
बस सडकबाट करिब १ सय ५० मिटर तल पुगेको र उद्धार कार्य जारी रहेको इलाका प्रहरी कार्यालय बुर्तिवाङका प्रमुख प्रहरी निरीक्षक राजकुमार विकले जानकारी दिए ।
