बागलुङमा जिप दुर्घटना हुदाँ २ जनाको मृत्यु
पोखरा, ६ असार/ बागलुङमा पिकअप जीप दुर्घटना हुँदा २ जनाको मृत्यु भएको छ ।
मृत्यु हुनेमा चालक पर्वत जिल्ला कुश्मा नगरपालिका–१ मालढुङ्गाका २८ बर्षिय राजेन्द्र माझी र बागलुङको जैमिनी नगरपालिका–१० राङ्खानीका ३६ बर्षिय दुर्गा पौडेल रहेको प्रहरी जानकारी दिएको छ ।
बागलुङको गलकोटबाट सामान विक्रि गरि बागलुङ बजारतर्फ आउँदै गरेको ग १ च ९४८५ नम्बरको पिकअप मध्येपहाडी लोकमार्गमा दुर्घटनामा परेको थियो । पिकअप ५ सय मिटर तल खसेको थियो ।
घटनाको थप अनुसन्धान भइरहेको प्रहरीको भनाई छ । जीपमा २ जनामात्र सवार थिए ।
